सर्लाही र सिन्धुलीको सिमाना चुरे पहाडमा बस दुर्घटना

सर्लाहीको लालबन्दी नगरपालिका १५ स्थित सर्लाही र सिन्धुलीको सिमाना चुरे पहाडमा बस दुर्घटना भएको छ । आज दिउँसो लालबन्दी बजारबाट सिन्धुलीको मरिण हुँदै छापसम्म पुग्ने यात्रु बस चुरे पहाडमा बिपरित दिशाबाट आउँदै गरेको जन्ती बसलाई साईड दिने क्रममा दुर्घटनामा परेको त्यहाँबाट प्रत्यक्षदर्शि प्रज्ञान विश्वकर्माले जानकारी दिए । बा २ ख ६४३३ नम्बरको काल्तान ट्राभल्सले जन्ती बसलाई साईड दिने क्रममा चिप्लिएर खोल्सामा खसेको हो । बस झाडीमा पल्टिए पनि कुनै मानविय क्षति भने नभएको खबर प्राप्त भएको छ । त्यहाँ अस्थायी प्रहरी पोष्ट परवानीपुरबाट असई शम्भु चौधरीको नेतृत्वमा ३ जना र २ जना ट्राफिक प्रहरीको टोली गएको छ । त्यस क्षेत्रमा मोबाईल नेटवर्क नटिप्ने भएकोले प्रहरीसँग सम्पर्क भने हुन सकेको छेन । जन्ती बसको बारेमा भने केहि जानकारी आएको छैन । बस नरोकिकनै गएको स्थानियले बताए ।रासस